端午節話咁快就過左喇.....

係今年既端午節, 係我呢幾年以黎, 食粽食得最多既一年.

以前我都好鐘意食粽既, 因為以前住係舊邨既時候, 隔離屋既街坊都會包粽, 而我最鐘意食既, 就係有花生既粽.

但當由舊樓搬去 d "Y" 形既時候, 街坊們都各散東西, 所以, 我至鐘意食既粽, 食既機會就變得越黎越少.

我最唔鐘意食就係酒樓果到果 d 粿蒸粽呀!  勁多料, 太雜, 又大隻, 唔鐘意食.  太大隻會令到我唔鐘意食佢, 仲要多料到都唔知食近咩咁, 真係感覺麻麻喇.

不過, 今年媽咪佢係黃大仙既某個屋邨到買左一 d 粽, 裡面仲係包我最鐘意食既花生添.  嘩!  原本好耐都冇食粽既我, 即刻前後都食左 2 隻呀!!!  真係好好食, 好味道呀!

係到, 要多謝晶晶特登攞左 2 隻由晶媽係早上一早包好既新鮮粽比我, 好開心呀!  多謝晒!