老公係 2 月 28 日生日既! 由於今次老公既生日係我地結婚後第一個生日, 所以,我都準備左一個二人世界既生日飯同老公先慶祝慶祝!
呢家餐廳係尖沙咀美麗華 2 樓, 叫森巴! 其實我都係睇到其中一個 facebook 既朋友, 佢曾經同佢老婆去過果到慶祝生日, 我見又幾好咁樣, 所以, 今次老公生日, 就約佢一齊去喇!
特色既係, 呢間餐廳佢有個生日套餐, 仲要係都幾多野食, 有 2 個湯, 3 個頭盆, 2 個主菜, 2 個推介, 2 個甜品, 仲有 2 個餐飲添! 另外, 最吸引我既, 就係呢間餐廳會為生日既主角去準備一張生日咭放係檯面, 仲會寫住生日主角既名, 同埋有一隻紅雞蛋送添! 另外, 就係係食完所有野之後, 佢會有一個小小生日蛋糕送, 今次係送火焰雪糕蛋糕, 同埋係蛋糕黎之前, 會閂燈, 播生日歌添! 都好 lum 下, 好開心呀! 之後, 餐廳既經理仲會幫你兩個人影返張相留念, 而張相係會做成一張年曆既相咁, 都好 ok 下呀! 最後, 餐廳外面仲有得比你地自己整朱古力添! 真係好好既安排呀! 大家一齊睇下相先啦:-
之後, 係今日既正日, 朋友們一齊陪老公去左銅鑼灣既橋底辣蟹到食飯添, 真係好開心, 好多謝佢地各人既支持! 又出力, 又出心, 仲出埋 $ 添! 多謝晒呀!!!
我地又一齊睇下食左 d 咩啦!
有魚湯啦, 裡而仲有好多蜆呀! 另外有好辣既聖子啦, 帶子啦, 菜啦, 豆腐啦, 魚啦, 炒飯, 炒麵同埋重點既辣蟹呀! 食完之後, 仲去左食義順既甜品添, 好味呀!!! 有朱古力燉奶, 雙皮奶, 咖啡燉奶, 薑汁燉奶等等! 真係食得好開心, 好正呀! 多謝晒呀, 各位! tks!
