由於已經失業兩個月喇, 媽咪驚我悶, 所以, 成日都陪我一齊食 lunch, 之後我又同媽咪一齊去接家姐個女女放學!

唔接開既, 都覺得冇咩野.  但係呢個星期, 我對足佢 7 日, 我真係頂佢唔順呀!!!!  小朋友, 真係好煩, 要好有耐性, 好有愛心, 好有心機, 先可以對住佢地呀!

佢唔係放學要去公園玩, 就係要坐車瞓攪, 跟住要你抱... 你唔順佢意咩?  佢就喊囉.... 成日喊, 話唔聽, 氹又唔得, 仲會得戚 d 添, 你話係咪好激氣呀!!!!! 

對住佢, 我真係覺得好煩.... 可能自己真係冇耐性, 冇愛心, 所以, 真係頂唔緊呀.... 

我媽咪同佢媽咪都真係好有愛心同耐性呀!!! 勁呀!  所以, 成日都話, 母愛真偉大呢!