竟然比人話,你養尊處優之中, 都會病呀?

真係冇用呀, 食完晶晶請既果餐飯之後, 竟然係佢屋企樓下, 比 d 風吹親, 就係咁樣, 感冒了!!!!!! 

最可笑既係比人話我養尊處優近, 都會病?  當然呢位朋友係講下笑姐. 

另外, 媽咪今日特登走出黎幫我買左 d 瘦肉比我煲粥呀!  原本媽咪想煲埋粥比我食添呀, 不過, 後黎同左我去勞工處, 所以, 先冇煲咋!  搞到我真係覺得自己好冇用呢.....  但係, 點都要多謝媽咪,佢對我既關懷同愛護呀!  之後就去左旺角既勞工處, 以為可以去登記下啦, 點知去到既時候, 竟然話旺角呢間係冇0架...... 只好下星期去第二間做登記啦! 

估唔到, 今晚老友 kk 上黎探我呀, 不過我煲左粥, 冇同佢去食飯, 佢都唔介意買吉野家上黎食添, 真係好多謝佢呀!  佢明知我老公出左差, 所以, 特登上黎探下我咁, 真係好喇, 好開心呢! 多謝晒呢位老友呀!  雖然我地講既野唔多, 不過, 個感覺對我黎講好舒服, 好開心呀!  多謝你呀, kk.