今朝 10 點幾, 收到一位朋友既電話, 佢叫我起身, 佢話之前我見過既一份工, 話會叫我去見第二次, 佢先通知我一聲, 等我醒 d 呀!  我即刻好大聲, 0下左一聲, 佢就再重覆一次, 話有得 2nd in 呀!!!! 

我真係好出奇呢.... 因為呢份工, 其實我 2 月既時候見左一次, 一路都冇消息, 突然間, 今日話叫我去 2nd in, 真係好搞笑呀!  哈哈!  又點解呢個朋友會知道呢?  因為佢話果間公司打電話問佢我既電話喎, 係咪又好搞笑呀?!

去到既時候, 佢地話唔見晒 d 資料, 所以, 要我再填過 d form,  哈, 咁都得, 幾搞野呀!  填完之後, 傾左一陣, 之後, 就叫我 4 月 1 日返工.  嘩!  我真係開心到呀, 不得了呀!  笑左出黎添呢! 

雖然呢份工係只得一年合約, 但係我都覺得好開心, 唔知係咪因為已經停左成兩個月冇工返, 又搵唔到野做, 所以, 我都已經好開心, 好滿足呀!  返 5 日, 朝 9 晚 6, 放公眾假期, 都算係咁啦!  哈哈!  希望一切順利, 做得好好地啦!

真係要感謝神呀!  thanks god!  當然, 都要多謝我老公既呢位朋友呀啦  哈哈!