由 4 月 1 日開始返工到今日為止, 0岩0岩好一個月既時間喇!  真係好峰迴路轉呀!  點解咁講呢?  hehe!

份工由我第一日返開始, 原來佢係請兩個我呢 d post 既人, 所以, 我一返工既果日, 原來係有新人同我一齊開始既!  工作內容係第一至第三個星期, 都好 ok, 因為都算少呀!  到第四個星期開始, 即係呢個星期, 就好搞笑喇, d 野不停咁樣濟埋黎, 多到呢.... 你都唔知點做.... 因為我有個唔多識教人野既亞姐囉!

唔識教人既亞姐, 真係好攞命.... 佢 d 野講少少, 就當自己講晒, 有時講左又好似冇講, 呢 d 真係好攞膽囉.....

不過, 有樣野都好既, 就係亞姐份人都 ok 既, 係重男輕女姐, 不過我諗住我做好自己既野, 就得喇, 唔好理人咁多. 

話說回來, 由我返工前, 舊老闆就有同我提過, 佢想搵我去幫佢做住 temp job 先, 後來, 我搵到工喇, 同佢講返, 佢就好似真係想搵我去佢到做, 原因係因為亞經理佢唔做, 老闆要人做出單既野, 所以, 佢就諗起我, 因為我之前失業, 冇野做呀嘛, 老闆真係好關照呀!

到我返左工, 差唔多一個月, 老闆又搵人搵我, 叫我再諗諗, 上去傾過, 我都拒絕左佢幾次.  越接近經理離開公司既日子, 老闆就越急, 跟住又再同我傾..... 我就不斷咁諗, 到底有冇必要去幫舊老闆呢?!  因為我而家都叫有份工呀嘛, 雖然話係一年合約, 但係都叫大公司呀, 做既係 shipping, 再比較係舊老闆, 佢果邊, 最後就 confirm 左係做長工, 福利就一定冇我而家呢間大公司既咁好啦, 不過, 佢呢份既, 係長工囉... 同埋, 佢做既野會係比較全面 d, 而家只係做 shipping.... 

之後, 同老公傾過, 再同舊老闆公司既會計傾過, 所以, 最後, 都係決定去舊老闆到返工喇.... 最大既因原係, 因為我問過而家呢間公司既亞姐, 會唔會有機會轉做長工呢?  佢竟然答我係..... 如果外國既市場同經濟好返 d 既, 會 re-new 你個合約............  呢樣野, 就係我最唔想既.... 我係到做, 都係博佢有機會轉長工姐, 點知會唔得0架.... 真係好笑呀!!!!! 

而家, 決定左係 5 月 11 日既星期一返新工, 就會返舊老闆既公司到做喇!  希望,今次呢份工係真係好,真係可以長做就好喇!  祝我好運喇!