而家 d 天氣, 又熱又焗, 又出入冷氣, 又食下雪條, 所以, 就係咁樣就中招喇!

真係激氣呀, 又中招添..... 

明明可以儘量 keep 住唔好比自己病, 但係, 就係因為係公司門口焗左一焗, 再食左支雪條, 一入公司, 有冷氣, 再加上我個位只有一部冷氣吹到我, 而果部冷氣只會吹正我個後腦, 其他既冷氣都係吹唔到我, 所以, 唔係要比佢吹正個頭, 就係要焗死..... 所以, 都真係好難唔中招呀! 

由星期二下午開始, 就開始有咳啦, 情況都幾嚴重添!  跟手我既好同事, 佢都忍我唔住, 叫我走,去睇醫生, 我就諗左好耐, 睇中醫好, 定西醫好呢?  於是我決定左去睇中醫, 因為諗住 d 藥會冇咁眼瞓呀!  睇左一次, 食左四次藥, 都好似幾 ok 呀.  於是睇多次, 但係今次就唔知點解情況仲差左.... 我不停咁樣係公司打噴嚏, 又勁咳....搞到仲嚴重左咁添呀!!!

於是, 我既同事再次叫我唔好返工!  但係而家公司, 只有佢同我, 唔返既, 佢要幫我做埋 d 野, 我就唔想, 不過, 我又真係幾頂唔緊, 因為我個人裡面成日都好滾好熱, 不停咁流汗... 好辛苦呀!!! 

結果, 我今日都係冇返工, 食左西藥之後, 就瞓呀, 瞓呀, 瞓呀... 瞓呀.......  但係情況唔係話冇好既, 只係仲有 d 鼻塞, 同埋都仲係好滾, 標近汗呀!!!!!  真係好攞命呢!!!