今日老公去左個舊同學既仔仔滿月酒, 跟住同 d 舊同學聚會食飯咁啦, 因為我唔舒服, 所以冇去到...

到佢打返黎既時候, 原來同老公同年同月同日生既女同學, 佢都有左喇.... 佢遲我地十幾日結婚, 但係而家已經有左成四個月喇!  真係恭喜晒呀!!!!  

聽到呢個消息, 我都好開心呀!  因為每當聽到人地有左 bb, 就會好自然覺得好開心, 好興奮! 

連同我地一齊去蜜月既團友, 其中一對都有左呀, 都 6 個月喇.....

其實我自己都想有呀, 不過, 可能未係時候, 我知道神會幫我地作安排, 係我地最適當, 做好準備既時候, 先係一個最好既時機. 

計下計下, 老公呢班舊同學裡面, 已經有 5 個人有佢地自己既小朋友同 bb 呀!  第一個係仔仔, 第二個都係仔仔, 第三個就係女仔, 第四個又係仔仔, 而家第五個, 就係媽媽個肚裡面, 唔知係仔定女呢?!

不過仔女都冇所謂, 最緊要係大細平安, 健康就好喇!  恭喜!  恭喜!